ვაშინგტონში, კომუნიზმის მსხვერპლთა მემორიალთან, ყოველწლიური ღონისძიება გაიმართა, სადაც დიპლომატებმა და დიასპორის წარმომადგენლებმა, კომუნისტური რეჟიმების მსხვერპლთა ხსოვნას პატივი მიაგეს.
ისტორიკოსების შეფასებით, მხოლოდ მე-20 საუკუნეში, კომუნისტურ რეჟიმებს 100 მილიონზე მეტი ადამიანი ემსხვერპლა. დღეს კი, თითქმის მილიარდნახევარი ადამიანი კვლავ ცხოვრობს კომუნისტური მმართველობის პირობებში, მათ შორის, ჩინეთში, ჩრდილოეთ კორეაში, ვიეტნამში, კუბასა და ლაოსში.
