ვაშინგტონის დროით 7 აპრილის 20:00 საათი არის დრო, როდესაც დონალდ ტრამპის მიერ ირანისთვის განსაზღვრული ულტიმატუმი ამოიწურება. შეერთებული შტატები ირანისგან შეთანხმების მიღწევას ითხოვს, რომელიც ასევე მოიცავს ჰორმუზის სრუტის გახსნას.
„მთელი ცივილიზაცია მოკვდება დღეს ღამით და ვეღარასდროს აღდგება. არ მინდა ეს მოხდეს, მაგრამ ალბათ მოხდება. თუმცა ახლა, როცა რეჟიმის სრული და ყოვლისმომცველი ცვლილება მოხდა, სადაც განსხვავებული, უფრო ჭკვიანი და ნაკლებად რადიკალიზებული გონება ჭარბობს, შესაძლოა, რაღაც რევოლუციურად საოცარი მოხდეს, ვინ იცის? ამას დღეს საღამოს გავიგებთ, მსოფლიოს ხანგრძლივი და რთული ისტორიის ერთ-ერთ უმნიშვნელოვანეს მომენტში. 47-წლიანი ძალადობრივი შანტაჟი, რეჟიმის გახრწნილება და სიკვდილი საბოლოოდ დასრულდება. ღმერთმა დალოცოს დიდებული ირანელი ხალხი!“ – დაწერა დონალდ ტრამპმა სოციალურ ქსელში.
