დღეს, 2025 წლის 4 ივლისს, ამერიკის შეერთებული შტატები დამოუკიდებლობის 249-ე წელს ზეიმობს. დღესასწაულს საფუძველი 1776 წელს ჩაეყარა, როდესაც ამერიკამ დიდი ბრიტანეთისგან დამოუკიდებლობა გამოაცხადა. დამოუკიდებლობის დეკლარაცია იყო ერის დაბადება, რომელიც თავისუფლებასა და ერთიანობაზე დაფუძნდა.
შეერთებული შტატების მასშტაბით დამოუკიდებლობის დღე ტრადიციული ღონისძიებებით აღინიშნება, რომელთა შორის ერთ-ერთი ყველაზე გამორჩეული, ეროვნულ მოლზე გრანდიოზული, 17½ წუთიანი ფოერვერკია.
Independence Avenue Media-თვის (IAM), რაც ქართულ ენაზე ითარგმნება, როგორც “დამოუკიდებლობის გამზირი მედია”, წელს ამ დღესასწაულს განსაკუთრებული მნიშვნელობა აქვს, რადგან ასევე აღვნიშვნავთ ჩვენი დაფუძნების დღეს. ამ ისტორიულ დღეს დაარსებული IAM, მიზნად ისახავს აუდიტორიის წინაშე წარსდგეს, როგორც ამერიკული ღირებულებების მატარებელი და ქვეყნის დედაქალაქში ბაზირებული მედია ორგანიზაცია.
დღეს გამოქვეყნებულ განცხადებში, თეთრმა სახლმა პატივი მიაგო „დამფუძნებელი მამების სიმამაცეს, პატრიოტებს, რომლებმაც თავისუფლება მოგვიტანეს და გმირებს, რომლებმაც ის 249 წლის განმავლობაში დაიცვეს“. ამასთან, თეთრი სახლი აცხადებს, რომ „პრეზიდენტ ტრამპის ხელმძღვანელობით, ამერიკული სული დაბრუნდა – გაბედული, ამაყი და თავისუფალი“.
Independence Avenue Media ამაყია იმით, რომ მაუწყებლობას ამ ღირშესანიშნავ დღეს იწყებს. ჩვენი მიზანია ფაქტებზე დაფუძნებული, სიღრმისეული და შინაარსიანი ჟურნალისტიკა შევთავაზოთ გლობალურ აუდიტორიას, განსაკუთრებით იმ რეგიონებში, სადაც ავტორიტარიზმის გავლენა საგრძნობი, დემოკრატია კი მყიფეა. ჩვენს აუდიტორიას მოვუთხრობთ ამერიკის პოლიტიკის მრავალმხრივ ასპექტებზე, საგარეო ურთიერთობებსა და დემოკრატიულ ღირებულებებზე.
Independence Avenue Media ამერიკელებს დამოუკიდებლობის დღეს ულოცავს!
