ჯილ დოერტი, რომლის ჟურნალისტული საქმიანობა ოთხი ათწლეულის განმავლობაში ჯერ საბჭოთა კავშირის, შემდეგ კი რუსეთის საკითხებზე მუშაობას მოიცავს, 10 წლის განმავლობაში კი ტელეკომანია CNN-ის მოსკოვის ბიუროს ხელმძღვანელობდა, Independence Avenue Media-სთან, თავის ახლადგამოცემული წიგნის შესახებ საუბრობს – “ჩემი რუსეთი: რაც კრემლში დავინახე”.
დოერტი იხსენებ ლენინგრადში, ამჟამინდელ სანქტ-პეტერბურგში გატარებულ სტუდენტურ წლებს, რუსეთის პოსტსაბჭოთა გახსნილობას, პუტინის აღზევებას, ქვეყნის მილიტარიზებასა და ბოლო წლების რეპრესიებს.
მისი თქმით, რუსეთის მიერ უკრაინაში წარმოებული ომის შედეგი განსაზღვრავს არა მხოლოდ უკრაინისა და რუსეთის, არამედ მეზობელი ქვეყნების მომავალსაც.
საქართველოზე საუბრისას, დოერტი 2008 წლის რუსეთ-საქართველოს ომს და ქვეყნის ტერიტორიის 20%-ის ოკუპაციას რუსეთის სტრატეგიის ნაწილად მოიხსენიებს. მისი თქმით, კრემლი გაყინულ კონფლიქტებს ზეწოლისა და პოლიტიკის სამართავად იყენებს, მაშინ, როცა საქართველო საკუთარი დემოკრატიისთვის რთულ ბრძოლაშია ჩართული. ის აკრიტიკებს როგორც ხელისუფლებას, ისე ოპოზიციას და ქვეყნის დღევანდელ მდგომარეობას „მტკივნეულ სანახაობას“ უწოდებს.
