აშშ-ის კონგრესის ორივე პალატის შესაბამისი კომიტეტების თავმჯდომარეებმა, საქართველოში „ქიმიური იარაღის“ შესაძლო გამოყენების მოკვლევის მოთხოვნით, ადმინისტრაციას წერილობით მიმართეს — ამბობს, Independence Avenue Media-სთან ინტერვიუში, რესპუბლიკელი კონგრესმენი ჯო უილსონი.
„ქართული ოცნება“, 1 დეკემბერს გამოქვეყნებულ ტელეკომპანია „ბი-ბი-სის“ მიერ მომზადებულ დოკუმენტურ ფილმში გამოთქმულ ვარაუდს, რომ თბილისში, საპროტესტო აქციის მონაწილეების წინააღმდეგ, შესაძლოა პირველი მოსფლიო ომის ეპოქის ქიმიური იარაღი „კამიტი“ გამოიყენეს, უარყოფს და „მიზანმიმართულ დეზინფორმაციას“ უწოდებს.
6 დეკემბერს, საქართველოს სახელმწიფო უსაფრთხოების სამსახურმა განაცხადა, რომ 2024 წლის 4-5 დეკემბერს, მომიტინგეების დასაშლელად პოლიციამ არა „ბი-ბი-სის“ მიერ ნახსენები „კამიტი“, არამედ „ქლორობენზილიდინ მალონონიტრილი” – ცრემლსადენი გაზი CS, მის გასახსნელად კი “პროპილენ გლიკოლის” ხსნარი გამოიყენა.
ინტერვიუში ასევე საუბარია, „მეგობარი აქტის“ მომავალზე, რომელიც კვლავ სენატის საკანონმდებლო კალენდარში რჩება. კონგრესმენი უილსონი დარწმუნებულია, რომ კანოპროექტი კანონად იქცევა.
